كيف أنقذ الخطيب الأهلي من أزمة كبيرة ومنع بيع الفريق
كيف أنقذ الخطيب الأهلي من أزمة كبيرة ومنع بيع الفريق








اخبار الاهلى : محمود الخطيب يتحمل مسؤولية إهتزاز النتائج الرياضية بحكم انه رئيس النادي ودوره في تدعيم الفرق وبنطالبه بالتصحيح ومعالجة الأخطاء اللي أغلبها مش مبرر وعمري ما هربط هزيمة اي فريق بأي مشكلة ولا تركي ولا غيره لان دي حجج بس زي ما النتائج ضعيفة لسة فهو شايل عننا بلاوي وحامينا بمعنى الكلمة ووجوده أكبر خطر على كل الأطراف المعادية لينا ويوم المنى بالنسبالهم لما يمشي ويسيب الأهلي لانهم عارفين من بعده هيتمكنوا مننا ازاي.
محمود الخطيب قبل الإنتخابات اتحارب وجوده بشتى الطرق واستخدمت ضده أقذر الأساليب وروجت ضده مختلف الأكاذيب لانهم على يقين ان وجود الخطيب على مقعد رئاسة الأهلي هيقفل الباب في وشهم ومش هيطولوا حاجة ولا هيعرفوا يعتبوا النادي حتى بعد ما كان معسكر ليهم ، زي ما له أخطاء وكبيرة وأغلبها رياضية فهو عمل مواقف بطولية مخلصة تخلينا نذكره بالخير والعرفان ل١٠٠ سنة قدام ونقول في يوم من الأيام كان عندنا راجل رمز للوفاء والإخلاص والتضحية اسمه محمود الخطيب.
الخطيب اضغط عليه من كل رموز وكبار النادي عشان ينزل الإنتخابات رغم متاعبه الصحية لان الأهلي كان في خطر بجد ومحدش هيقدر ينقذنا منه إلا شخصية بقيمة وشعبية الخطيب غير كده مستحيل أي شخص اخر مهما تمت محاولة تلميعه وتجهيزه ودعمه انه كان يقدر يواجه هذا الطوفان المتشعب ، الراجل ده فجأة وعشان الأهلي في خطر ألقى بنفسه في مرمى عداوة لوبي من رجال الأعمال لهم من النفوذ ما يكفي لتحطيمه وآلات إعلامية لها من الطرق ما تكفي لتشويهه ولم يكترث سوا بخدمة هذا الكيان الذي يعشقه الخطيب وجوده أفسد مخطط اللائحة التي كانت تتيح بيع فريق الكرة ودون تحديد النسبة الغالبة للأهلي! جيه عشان يفسد ده وعشان يمنع أي محاولة لأي طرف انه يقود الأهلي بماله ومن داخل النادي ورغما عن انفنا وإرادتنا ووفقا للائحة النادي أي لا مفر ولا مناص.

المصدر : ستاد الاهلى



إرسال تعليق بلوجر

 
للأعلي